Hotel line walo ke liye kuch lines.

Dedicate to all garhwali hotelier

होटल की नोकरी भैजी
रेस्टोरैन्ट आणि बार मां॥

द्वि -तीन साल नोकरी करी कि
फिर जान्दा अपणा पहाड़ मां॥

सेट्टी लोगो का होटल छन यख
मैनेजर छन घाटी मराठी॥

इन्डियन,तन्दूर मां हम कुमाऊंनी गढवाली
चाईनीज मां छन नेपाली॥

खाणो बनोण नी ओन्दु जोंते
भारी चमचा छन बंगाली॥

यूं होटलू की नोकरी भैजी
ड्यूटी च दिन-रात॥

घरवाली भी ह्वे जान्दी नाराज
जब फोन मां नि होन्दी बात॥

कांन्दीवाली मां रुम च भैजी
होटल अंन्धेरी, बान्द्रा, दादर मां॥

बम्बई मां दिन कटणा छन हम
एक चटाई एक चादर मां॥

सुबेर उठी की ड्यूटी जान्दा
इटली सांबर डोसा खान्दा॥

ग्यारह बजि भैजी
खाणो पिकअप फिर
तीन बजि होन्दू ब्रैक हमारु
कब आलि मीस कांल मेरी प्यारी दिल लग्यू च सारु॥

नयूं नयूं हेल्पर च म्यारु
आटू गिलू लगान्दू॥

झट कमप्लेन्ड आंदी भैजी
सैट चिलान्दू॥

इन्डियन कु हेल्पर जब
फोन मां मिस्यांदू
कभी कांन्दा मसालु काचू
कभि ग्रैबी फूक्यान्दू॥

दाल मखनी खाई कभी
बटर नांन, होटलों का खाणो मां
नि जान्दू प्राण॥

कभी चिल्ली चिकन, कभी अख्खा न्युडल,लुकि छिपी कि खान्दा तन्दुरुस्ती चिकन॥

तन्दूर मां पकाई प्यारी
राजुलि रेशमी कबाब
फेसबुक मां फोटो भेजीक
तुम दैयां जवाब॥

तुम उदास होला प्यारी
डांन्डी कांठियो मां
हम फुकेणा छन यख
होटलों का तन्दूरों मा
होटलों की भट्टीयों मां॥

बंगाली बण्या बैरी,
हेल्पर पर्वाण,
मोरी वाला मस्त हुंया
उस्ताजो की लाण॥

अमावस की रात जोलि
ज्वोन कु उजालु होलु
सुरसर्या बथों मा तुम
ज्यादा न खुदेन॥

रात डूबली सुबेर होलि
इनी रटण लगि च
कब ओलि बग्वालि कब
बोनस मिलालु
यीं आस मा बैठ्यूं छों॥

खुदेणी ना रेई,